1991-чи жылладан башлап къыралда уллу тюрлениуле болгъандыла. Ол тюрлениуле билим бериуню системасына да кеслерини юлюшлерин къошхандыла.Алгъын билим бериуню министерствосунда къабыл этилиннген программадан чыкъмай бир тюрсгели дерсле бардырыла эселе эди,бусагъатда тюрлю-тюрлю технологияланы, жангы методикаланы хайырлана сабийлени сейирлерин эм билимлерин теренлеу дерсле бардырыргъа боллукъду.
Бек биринчиден Эльбрусоидни терен эм магъаналы ишле бла кюрешгенин чертирге сюеме. Ол этген ишлени устазлагъа бек уллу болушлукълары барды. Аны магъанасы аллай бир теренди (бегирек да шахар школлада ишлеген къарачай,малкъар тилден устазлагъа)-къум тюзледе кёп кюнлени айланып, бир уртлам суу тапмай туруп, суусабынгы къандыргъанча-ма аллай бир терен магъаналыдыла ол ишле. Нек дегенде 4-5 жыл мындан алгъа окъуна, 10 жылны айтмай къойсам да,керекли темагъа кесинг сюйген затны тапхан къыйын эди. Энди уа Эльбрусоидни сайтына кирсенг бек кёп керекли материал табаса. Къарачай,малкъар миллетлени келлик заманыны тёлюлерини къадарлары ана тилден окъутхан устазланы къолларындады. Аланы культура сезимлерин,билимлерин теренлеу мурат бла биз ол сайтны кёп кере жокълайбыз.
Февраль айда «Тилсиз миллет - жокъ болур деп юйретиу дерс бардыра Эльбрусоидни ишлерин да хайырланнганбыз. Аны къалай хайырланнганыбызны планы бла шагъырей болугъуз:
